أحكام نهائية بدخول الانتخابات المحلية
وغرامات (لأعد اء) الوطنى والمحافظين
بس ياترى مين حيدفعها ؟؟؟
أكيد من خزانة الدولة ....
على فكرة إحنا بنقبض مرتباتنا من
التحصيلات اليومية للرسوم والضرايب
والعوايد والدمغات اليومية ...وده سبب
تأخير المرتبات شهريا ...
حد عنده فكرة عن الموضوع ده ؟؟؟
نسمع ونقرأ حكايتنا مع الباشوات الجدد
اللى بيحكموا البلد واللى حصل معانا !!!
قول الفناكيش ... سمع هس ....
_____________________
الحق يتقال القضاء الإدارى رزين وأمـين
قال كلمته إن الانتخابات من حقنا وجايـين
و من حقنا نترشح نكون وأحنا مخلصــين
الفساد لازم ينتهى ونعيش ونحيا مطّمّـنين
فى بلدناوطنّاوطن كل من كانوا مصريين
واللى خربها وسرقها دُول هُمّه المفسديـن
ياابن بلدى حتقول كلمتك وصوتـــــك فين
صوّت وقول الحق قول احنا مش خايفيين
نفدى بلدنا بعمــرنا واولادنا وكل ثمـــــين
كفايه الخراب والذل اللى احنا فيه عايشين
لإمتى نسيب الفـقـر يــاكل كل الشـقيانـين
اتحرك يامصرى وغير كيـانك من الأنين
حوله لصرخــه على البؤس والمحرومين
من رغيف العيش اللى موّت عرقانــــــين
حاربوا عشان يملوا بيه بطون جعانـــــين
واللا هوه اتحرم منه كـمان ويبقى لمـــين
خيربلدنا يكفّى كل الناس بس هوه فـــــين
تلاقيه فى بنك الغرب ساكن مع التــانييـن
يتنعموا بخيرنا ويحرمـونا من الفداديــــن
القمح بيشتروه اخضروبيغروا الفلاحــين
بشوية فلوش مش حتنفع صاحبها وفـــين
بكره حتفهم وتعرف وفات الأوان بسنـين
لما تلاقى الغريب حكم بلدك بشكل مهــين
الحق ياخويا وابويا أرضك وشرفك زيـن
قبل ماتندم على سكاتك وراح صوتك فين
إلحق ترابك بيتك قبل ماينزل مزاد ولمين
لكل خنازيرالصهاينـه وديولهـم الخاينـين
الحق ياصاحبى شرفك اللى عليه دايسين
إلحق بقية كرامتك وانهـض مع الثايريـن
إلحق تاريخك ومجدك دول منه غيرانــين
بيزوروه ويغيروه وولادنا بقــوا تايهــين
شعارات تخللى الناس فى الوهم مرتاحين
مرة يقولوا احنا للمستقبل أهوه رايحـــيين
أوحنخرج من الإزازه اللى فيها عايشــين
وآخرها مصربلدنا بتتقدم بيهم الجاهلــيـن
كل مره ياخدونا من كذبه لكذبه الكذابيـــن
فساد وخطف وسرقه والنهب بقى عناويـن
تقطّع وتنهب خيرنا واحنا أهـوه شـايفـــين
دقيق وقمح وزيت بيدورعليه المطحونـين
ياترىيلاقيه وان حصل يدفع فلوسه منيـن
وملح وسكربقواهُمَّه مراروعلقم الملايــين
ضريبه ياخدوها ويخصموها من الغلبانين
والغنى يتمتع ينهب يخطف شقا العرقانـين
كدا النظام بقى من رجليه لراسه والودنين
غرقان فى جهله وكذبه وبيخدع الملايــين
______________________
ليست هناك تعليقات:
إرسال تعليق