ــــــــــــــ
ردا على الأخ الكريم (المتوكل)
ردا على الأخ الكريم (المتوكل)
ــــــــــــــــــــــــــــــــــــ
إذا جلس على كرسى الحكم بلطجى ... فليفعل ماشاء ... وللأسف لقد كثروا فى المؤسسات والقيادات والوزارات ...و طبعا هو البلطجى ح يجيب مين يساعده ويعاونه فى اللبص والخبص ...طبعا طراطير زيه ...بداية من أبعدية (الحديد والصلب) ... وأحمد ذل ... ثم تغيير اسم العسس والأمن المصرى إلى( أبعدية ) يديرها مقاول لتوريد البلطجية وتوريد بطحجية ومتخصصى... رمى جتت ورمى بلا وى ... ونشر الرذيلة والعهر... والتى غيروا اسمها إلى أبعدية البلطجة والإرهاب والتلفيق وتكميم الأفواه وهتك الأعراض ...
... أما (أبعدية ) القضا والظلم فيرأسها مقاول آخر بالحتّه ... ويشترى ذمم البعض من عمال النيابات ويضاعف لهم اليومية والمكافأة على الهروب من لجان تلقى طلبات المرشحين _ وهناك لاشك البعض الشريف ولكن لايملك من أمره شئ _ ... ويتركون تستيف العملية لبلطجية _الأرهاب _ (أمن الدولة سابقا) ...
أما أبعدية (الفساد للركب) فقد استحضروا أوائل الدفعات وأساتذة الغش والكذب والإنكار وادعاء الطهارة بكل براءة الأطفال ... وخاصة من برعوا فى الاختلاس وحرق المخازن ليلة الجرد وقت دخولهم العناية المركزة ... بعد ماياخدوا شربه ويدخلوا على أن عندهم تسمم غذائى عشان يفلتوا من الحرايق ... ...
ودى عينة لثلاث أبعديات من الوسية الكبيرة والتى يملكها حسنى الزعيم على رأى ممثل الهجص أقصد الضحك ...عادل إمام ... ...
وبعدين ياأخ متوكل اتحشم شويه فى الألفاظ ( إيه خلع سرواله ) دى ؟؟؟؟ وبعدين هو من امتى( بالمناسبة يعنى) كان النظام عنده سروال ؟؟؟ ياأخى المحترم ... اللى يخللى (مره) وزيرة العدو تهزقه نفسه ومايفتحش (بقّه) وانت عارف( بقّه ) بقى قد إيه ... مستكتر عليه يعمل ديك على شعبه وهو محووط نفسه وبيته وولاده بجيوش جرارة من العسكر اللى عليهم عسكر...والعسكر اللى عليهم ... عليهم عسكر بيراقبوهم ليل نهار ... اصلو حسنى الزعيم حلم إنه قول كده اللهم اجعله خير صحى من النوم لقى ابنه اللهم الطف بنا وبشعب مصر قول اللهم آمين ... قال إيه قاعد على (الكبنيه) مكانه وهو بيتفسح زى الناس ... اوم إيه ... قال يبقى ابنه يمسك فى الطبليه مكانه وبدل ماهو لسّه صغنن نحطه فى وسط الطبليه ... أوم إيه ...الكل لازم يشوفه !!! انت فاهم يشوفه يعنى ايه ؟؟؟ يفتح مخه يعنى ... يفوّوت ويرش فى الفرح يعنى انت فاهمنى طبعا ... النقطه والذى منه ... النقطه ... مفهوم الكلام ... آه يعنى متفتكرش إن انت اللى بتعرف فى الَكبَابَه لوحدك ... مش لوحدك ... لا ياحبيبى وبعدين دول همه اللى متخصصين فى التفويت والضحك على خلق الله وقرطستهم ...مش كدا وبس ..لالالالا ... دا كمان تقليبهم كويس أحسن يكونوا فّوتوا حاجه من فلوسهم هنا والاهنا قبل مايصادرها ويقولوا بيغسلوها فى الفول اتموتيكى ... _وإحياء_ جماعه معرفش إيه ... وبعدين ياعمنا المتوكل هوه امتى كانت ماتت عشان نحييها وبعدين يعنى هوه البعيد كان اعمى من يومه ... ماهيه الجماعه موجودة من سنة/ 1928/ وقال محظوره قال ... وبعدين ماهو كان حاضر يوم ماكان اللى قبله فاكر نفسه كبير الكل ... غرور يعنى مش حقيقه ... وبعد مالمّ الناس المحترمين وحطهم فى المعتقل ... وبعدين وهوه قايم منفوخ بيحييهم (ولاده) زى ماكان بيقول ... قلوله … متتعبش نفسك ولاحاجه ح تاخدها فى شخّارتك حتاخدها مهما عملت ... ومتحاولش أى حاجه ...وصاحبك يومها نزل تحت الطرابيزة يستخبى قصدى تحت الكرسى ومن يومها وهو معتز وبيحب الكراسى ... ولزق فيه وبقى حته منه والظاهر كده والله أعلم إن الكرسى ريحته حاجه وحشه أو عملها عليه ... الله أعلم ... عشان كده مش عاوز حد غريب عنه يقعد عليه ... ماهو ابنه ستر وغطا عليه ...واخد بالك انت ... أصل الحيا لما يروح ويبقى قليل أو معدوم الحيا خلاص بقى ماتنتظرش ... ودا اللى حصل فى المحروسة أقصد المحبوسة والمنهوبة ...
وبعدين إيه حكاية الرقّاصه اللى لابسه شفتشى دى وتنزل ترقص فى الشارع ... ياعمنا الشارع بقى كله كدا ... ودى الحريه انت فين ياعمنا انت فى قرن جديد خالص ... قرن التور اللى مسيطر على بلدنا ... واللى ح يقرب منه ح ينطحه بالقرنين القرن اللى فات والقرن الحالى ماهوه بقاله قرنين وهوه فى الحكم ... واخد بالك انت ... وبعدين كفايه عليك كدا ... انت ح تنهب ... أقصدك انت ياعمنا المتوكل فى الرد عليك ... أصله يعنى هوه بينهب من يوم ماقعد على الكرسى وبيصفى فيها دلوقتى واحنا فى اسبوع الفضلات ...
وسلم لى على البدنجان الأسود مش لون تانى ... وسلام ياصاحبى ...
إذا جلس على كرسى الحكم بلطجى ... فليفعل ماشاء ... وللأسف لقد كثروا فى المؤسسات والقيادات والوزارات ...و طبعا هو البلطجى ح يجيب مين يساعده ويعاونه فى اللبص والخبص ...طبعا طراطير زيه ...بداية من أبعدية (الحديد والصلب) ... وأحمد ذل ... ثم تغيير اسم العسس والأمن المصرى إلى( أبعدية ) يديرها مقاول لتوريد البلطجية وتوريد بطحجية ومتخصصى... رمى جتت ورمى بلا وى ... ونشر الرذيلة والعهر... والتى غيروا اسمها إلى أبعدية البلطجة والإرهاب والتلفيق وتكميم الأفواه وهتك الأعراض ...
... أما (أبعدية ) القضا والظلم فيرأسها مقاول آخر بالحتّه ... ويشترى ذمم البعض من عمال النيابات ويضاعف لهم اليومية والمكافأة على الهروب من لجان تلقى طلبات المرشحين _ وهناك لاشك البعض الشريف ولكن لايملك من أمره شئ _ ... ويتركون تستيف العملية لبلطجية _الأرهاب _ (أمن الدولة سابقا) ...
أما أبعدية (الفساد للركب) فقد استحضروا أوائل الدفعات وأساتذة الغش والكذب والإنكار وادعاء الطهارة بكل براءة الأطفال ... وخاصة من برعوا فى الاختلاس وحرق المخازن ليلة الجرد وقت دخولهم العناية المركزة ... بعد ماياخدوا شربه ويدخلوا على أن عندهم تسمم غذائى عشان يفلتوا من الحرايق ... ...
ودى عينة لثلاث أبعديات من الوسية الكبيرة والتى يملكها حسنى الزعيم على رأى ممثل الهجص أقصد الضحك ...عادل إمام ... ...
وبعدين ياأخ متوكل اتحشم شويه فى الألفاظ ( إيه خلع سرواله ) دى ؟؟؟؟ وبعدين هو من امتى( بالمناسبة يعنى) كان النظام عنده سروال ؟؟؟ ياأخى المحترم ... اللى يخللى (مره) وزيرة العدو تهزقه نفسه ومايفتحش (بقّه) وانت عارف( بقّه ) بقى قد إيه ... مستكتر عليه يعمل ديك على شعبه وهو محووط نفسه وبيته وولاده بجيوش جرارة من العسكر اللى عليهم عسكر...والعسكر اللى عليهم ... عليهم عسكر بيراقبوهم ليل نهار ... اصلو حسنى الزعيم حلم إنه قول كده اللهم اجعله خير صحى من النوم لقى ابنه اللهم الطف بنا وبشعب مصر قول اللهم آمين ... قال إيه قاعد على (الكبنيه) مكانه وهو بيتفسح زى الناس ... اوم إيه ... قال يبقى ابنه يمسك فى الطبليه مكانه وبدل ماهو لسّه صغنن نحطه فى وسط الطبليه ... أوم إيه ...الكل لازم يشوفه !!! انت فاهم يشوفه يعنى ايه ؟؟؟ يفتح مخه يعنى ... يفوّوت ويرش فى الفرح يعنى انت فاهمنى طبعا ... النقطه والذى منه ... النقطه ... مفهوم الكلام ... آه يعنى متفتكرش إن انت اللى بتعرف فى الَكبَابَه لوحدك ... مش لوحدك ... لا ياحبيبى وبعدين دول همه اللى متخصصين فى التفويت والضحك على خلق الله وقرطستهم ...مش كدا وبس ..لالالالا ... دا كمان تقليبهم كويس أحسن يكونوا فّوتوا حاجه من فلوسهم هنا والاهنا قبل مايصادرها ويقولوا بيغسلوها فى الفول اتموتيكى ... _وإحياء_ جماعه معرفش إيه ... وبعدين ياعمنا المتوكل هوه امتى كانت ماتت عشان نحييها وبعدين يعنى هوه البعيد كان اعمى من يومه ... ماهيه الجماعه موجودة من سنة/ 1928/ وقال محظوره قال ... وبعدين ماهو كان حاضر يوم ماكان اللى قبله فاكر نفسه كبير الكل ... غرور يعنى مش حقيقه ... وبعد مالمّ الناس المحترمين وحطهم فى المعتقل ... وبعدين وهوه قايم منفوخ بيحييهم (ولاده) زى ماكان بيقول ... قلوله … متتعبش نفسك ولاحاجه ح تاخدها فى شخّارتك حتاخدها مهما عملت ... ومتحاولش أى حاجه ...وصاحبك يومها نزل تحت الطرابيزة يستخبى قصدى تحت الكرسى ومن يومها وهو معتز وبيحب الكراسى ... ولزق فيه وبقى حته منه والظاهر كده والله أعلم إن الكرسى ريحته حاجه وحشه أو عملها عليه ... الله أعلم ... عشان كده مش عاوز حد غريب عنه يقعد عليه ... ماهو ابنه ستر وغطا عليه ...واخد بالك انت ... أصل الحيا لما يروح ويبقى قليل أو معدوم الحيا خلاص بقى ماتنتظرش ... ودا اللى حصل فى المحروسة أقصد المحبوسة والمنهوبة ...
وبعدين إيه حكاية الرقّاصه اللى لابسه شفتشى دى وتنزل ترقص فى الشارع ... ياعمنا الشارع بقى كله كدا ... ودى الحريه انت فين ياعمنا انت فى قرن جديد خالص ... قرن التور اللى مسيطر على بلدنا ... واللى ح يقرب منه ح ينطحه بالقرنين القرن اللى فات والقرن الحالى ماهوه بقاله قرنين وهوه فى الحكم ... واخد بالك انت ... وبعدين كفايه عليك كدا ... انت ح تنهب ... أقصدك انت ياعمنا المتوكل فى الرد عليك ... أصله يعنى هوه بينهب من يوم ماقعد على الكرسى وبيصفى فيها دلوقتى واحنا فى اسبوع الفضلات ...
وسلم لى على البدنجان الأسود مش لون تانى ... وسلام ياصاحبى ...
ليست هناك تعليقات:
إرسال تعليق